લાયન્સ ક્લબ ઓફ શાહીબાગ દ્વારા તારીખ ૨૯મી ઓક્ટોબર ૨૦૨૩ (રવિવાર) ના દિવસે સાંજે ૭:૦૦ વાગ્યે રાસ-ગરબાનું આયોજન પ્રગતિનગર કોમ્યુનિટી હોલ, નારણપુરા, અમદાવાદ ખાતે કરવામાં આવ્યું હતું. જેમાં ક્લબના સભ્યો, તેમનો પરિવાર અને મિત્રગણને આમંત્રિત કરાયેલા.
આ કાર્યક્રમમાં ડિસ્ટ્રિક્ટ ગવર્નર શ્રી સુનિલભાઈ ગૂગલીયા તથા ટીમ મેમ્બર્સ શ્રી નિમેષભાઈ મજમુદાર, શ્રી ભરતભાઈ શેઠ, શ્રીમતી જયશ્રીબેન,શ્રીમતી બેલાબેન, શ્રી જગદીશભાઈ ઝા વગેરે, ઉપરાંત અન્ય ક્લબના મિત્રો શ્રી દેવેન્દ્રભાઈ, શ્રીમતિ શીરીનબેન અને ડો. અરુણાબેન વગેરેએ પણ ગરબામાં ઉપસ્થિત રહી બધાનો ઉત્સાહ વધાર્યો હતો.
સાયંકાલીન ડિનરમાં બધાએ સાથે મળી મેક્સિકન ફૂડની પણ મઝા માણી. ત્યારબાદ આરતી સંપન્ન કરીને ડીજેના તાલે ભાતીગળ વેશભૂષામાં રાત્રે ૧૨ વાગ્યા સુધી ગરબાની રમઝટ ચાલેલી. ગરબામાં ગળપણ અને ઉરમાં ઉર્જા જળવાઈ રહે તે માટે દૂધપૌંઆ અને એસ્પ્રેસો કોફીનું આયોજન પણ કરવામાં આવેલ.
કાર્યક્રમનું સમાપન ખેલૈયાઓને વિવિધ નામાંકન કક્ષાઓ જેવી કે બેસ્ટ ગરબા, બેસ્ટ કોસ્ચ્યુમ વગેરેમાં ઉપહાર આપીને કરવામાં આવ્યું હતું.
રાસ-ગરબાની આ સાંજ બધાના સાથ સહકાર અને વડીલોના આશીર્વાદથી બહુ સુંદર રીતે વ્યતીત થઇ હતી. એ બદલ પ્રેસિડેન્ટ: સુશ્રી સોનલ શાહ, સેક્રેટરી: શ્રી રૂપેશ શાહ, ટ્રેઝરર: શ્રી કેતન પટેલ વગેરેએ સર્વે આમંત્રિતોનો અંતઃકરણથી આભાર વ્યક્ત કર્યો હતો.
Glimpse of Garba ….https://fb.watch/o46YJ2FYA-/
